【明報專訊】政府去年改組成立嘅政策創新與統籌辦事處（創新辦），近月由灣仔搬番去政府總部，呢個部門宗旨包括幫政府度橋及做特首幕僚，所以辦公室設計都標榜同一般部門唔同。總監馮程淑儀（Betty）噚日做導遊帶傳媒參觀，Emily發現有3個「電話亭」，原來係因辦公室採用co-working概念，大部分人座位無間隔，若想靜靜哋講電話，或者有秘密內容電話要傾，就可以走入「電話亭」傾！