【明報專訊】全國人大、政協兩會下月喺北京舉行，中聯辦噚日舉行「茶話會」，同港區人大代表同政協委員見面。茶話會歷時75分鐘，據知中聯辦主任王志民致辭時，用咗大部分時間肯定人代、政協過去一年工作，點名讚咗幾十人，好似政協常委陳馮富珍，前一哥曾偉雄同鄧竟成、前局長黎棟國等政協，但同時「提醒」有個別政協無登記做香港選民，唔知相關政協聽到後會唔會即刻登記呢？