【明報專訊】新年唔少公司都會同員工食開年飯，民主派全體立法會議員今晚亦會喺金鐘一酒家筵開兩席，齊集食開年飯。佢哋周一、周二分別拒絕出席立法會新春午宴同中聯辦回請立法會議員午宴，話唔想同特首林鄭月娥及中聯辦官員「坐埋一齊」食飯，民主派會議召集人毛孟靜（Miss Mo）噚日形容，民主派「唔去中環，唔去西環，去金鐘食飯」，而今次係民主派第一次齊集食開年飯，佢話未聽到有民主派同事唔出席。