【明報專訊】中聯辦噚日搞新春春茗宴請立法會議員，春茗閉門舉行，但記者經安檢後，可以喺中聯辦大樓大堂採訪議員出入。茶敘連午宴環節長兩個幾鐘，午宴期間，中聯辦宣傳文體部部長朱文突然拎住一疊利市現身大堂，話係代表主任王志民向記者派利市，每封50蚊，唔少記者對呢個舉動感到有啲出奇，因為官員向記者派利市都算少見。而本報記者並無收取利市。