【明報專訊】每逢大年初二，鄉議局主席劉業強都會去車公廟為香港求籤。唔少人都質疑究竟有無造假，特別係事前抽起晒啲下籤，劉業強噚日就解答，4年前開始已經攤晒96支籤出嚟任大家睇，好似六合彩攪珠咁公正，佢仲即時展示相片，力證下籤冇被「DQ」。劉業強又透露有人講過求籤好大壓力，叫佢唔好求，但佢就認為傳統都值得繼續做。