【明報專訊】財政司長陳茂波噚日去維園出席經民聯年宵攤位啟動禮，之後仲特別去一啲本地創作同學生搞嘅攤位，身體力行消費，但臨走時就遇到社民連秘書長陳寶瑩，拎住個「港人即付興建大白象工程 港元一萬億」攬枕示威，批評政府浪費公帑建東大嶼人工島，一路追到陳茂波去佢嘅座駕，結果陳茂波無上座駕，選擇行去天后搭港鐵。Emily跟佢入港鐵，見到司長好順利咁喺口袋拎張八達通入閘。佢同Emily講，擔心上座駕離開會影響其他市民嘅安全，所以搭港鐵。