【明報專訊】區議員經常貼海報話畀街坊知道福利資訊，民建聯葵青支部留意到，民主黨葵青區議員林紹輝前日張貼咗一款有關「長者福利一覽」嘅海報，同民建聯1月9日已出街嘅海報好相似。民建聯立法會議員陳恒鑌（Ben）噚日指控林紹輝抄襲，林紹輝亦承認「冇查清來源，慘變民建聯」，但佢噚日凌晨喺facebook做live話被民建聯成員跟蹤，仲報警話自己人身安全受威脅。