【明報專訊】教育局長楊潤雄噚日喺薄扶林職業訓練局（VTC）轄下嘅中華廚藝學院同傳媒新春午餐聚會，仲同VTC同學一齊煮咗幾味，話代表2018年3件教育大事。楊潤雄用迷迭香Rosemary，炮製蜆殼肉燴全蛋麵，取Rose中文「露絲」代表「老師」，寓意「中小學老師全面（全蛋麵）學（殼）位化」。政府上年決定公營中小學9月起落實教師學位化，涉15億元經常開支。