【明報專訊】多個關注動物團體噚日舉行遊行集會，呼籲政府加強保障動物權益。本身養咗兩隻貓嘅人民力量陳志全（慢必）都有參與，佢喺集會上分享領養動物經驗，透露兩隻貓係自己同前男友拍拖時領養，後來佢同男友分咗手，兩隻貓就變咗「單親貓」，由自己繼續養。慢必形容領養係「終身承諾」，寄語情侶唔好「情到濃時」就隨便領養，即使分咗手都唔好棄養。