【明報專訊】現年25歲嘅香港眾志常委羅冠聰，由於要參加大小社運，經過6個學年終於喺嶺南大學文化研究系修畢學士課程。阿聰噚日喺facebook貼出學校通知，話佢已經完成學位嘅相關課程，2月會公布榮譽等級，唔少網民留言恭喜，有人叫佢快啲影畢業相。對於順利畢業，阿聰向Emily形容係「放下心頭大石」，透露考慮報讀碩士課程，但強調未有最終決定。