【明報專訊】甘浩望神父（甘仔，右一）由噚日下晝3點開始，喺政府總部外絕食，要求特區政府盡快解決居留權問題。一班爭取子女居留權嘅家長亦舉行集會聲援，預計未來每逢星期二、即係行政會議開會嘅日子，都會喺特首辦外向特首林鄭月娥請願，直至政府願意答覆會面、跟進事件。甘仔一直關注居留權問題，早於1999年，佢已經試過同一班爭取內地子女居留權嘅港人一齊絕食。