【明報專訊】大律師公會每年都會改選正副主席同部分執委會成員，過去以自動當選為主，較少競爭，但去年罕有出現「撼莊」，成為法律界焦點，結果由戴啟思名單擊敗爭取連任嘅林定國名單。公會今年度嘅改選，氣氛就回復平靜，未有出現競爭，戴啟思自動當選連任主席，副主席彭耀鴻就退下火線，由擅長打刑事案嘅資深大律師蔡維邦（圖）接棒，而身兼民主黨黨員嘅大律師譚俊傑就晉身執委會。