【明報專訊】香港貓奴唔少，沙田區議員丘文俊竟然監禁「主人」，仲要喺facebook公開話佢犯咗4宗罪，包括捉雀仔導致雀鳥受傷、經常通宵唔返屋企、跟人入𨋢仲要上樓，甚至試過擅闖人哋裝修緊嘅單位，喺大廳地板上大便。Emily問佢小貓刑期幾耐，丘文俊話起碼十日八日，但只係日頭困住，夜晚會放番佢喺辦事處；佢仲話噚日唔少小朋友都走去「探監」，又叫佢「釋放貓咪」，唔好困住咁耐。