【明報專訊】公民黨噚日改選執委會，20人名單喺無競爭下自動當選，梁家傑同楊岳橋分別連任主席同黨魁，陳淑莊（Tanya）同賴仁彪續任副主席；至於創黨元老余若薇（Audrey）就退下火線，未有競逐執委。Audrey喺記者會上形容「萬物有時」，話見到唔少年輕黨員參選執委，覺得自己係時候退位讓賢，但仍會做普通黨員，細心嘅傑哥就專誠買咗一大束花送畀Audrey，感謝佢嘅貢獻。