【明報專訊】民建聯立法會議員鄭泳舜（Vincent）3月先循九龍西補選晉身立法會，佢一直都好關心房屋議題。新成立嘅「跟進本地不適切住屋問題及相關房屋政策事宜小組委員會會議」噚日第一次開會，Vincent喺10個建制派議員支持下，擊敗咗民主黨嘅尹兆堅做主席，呢次係佢第一次喺立法會擔任小組委員會主席。不過選主席嘅過程都有啲甩轆，喺批發及零售界邵家輝提名主席人選時，一度嗌錯咗Vincent做「民建聯周浩鼎」，之後先發現嗌錯，民主黨涂謹申就笑言「以為我睇錯」。