【明報專訊】佔中案仲喺法院審緊，但噚日佔中三子及一群社運界人士，又再喺中環搞「佔領」活動，但今次係社運界喜事，唔係違法佔領！話說社民連副主席周諾恆（Jaco），同埋工黨張超雄議員助理袁慧妍（Rayne）結婚，揀喺中環終審法院，即舊立法會大樓外搞party，邀請唔少政圈同社運界人士出席。當中，「佔中三子」戴耀廷、陳健民同朱耀明都有出席，戴耀廷仲高呼「洞房花燭，正式啟動」，然後陳健民就大嗌「啲人走喇」，自嘲當年佔中啟動時嘅情景，相當歡樂。