【明報專訊】《財政預算案》明年2月底公布，公眾諮詢日前已經展開，新民黨噚日會見財政司長陳茂波提交建議。主席葉劉淑儀會後見記者時話唔建議全民派錢，佢話今年係因為社會上覺得盈餘破紀錄，多達1400億，但各階層得益不均，所以建議派錢補漏，但程序相當複雜，甚至要到出年2月先接受申請，所以絕對唔建議出年再派錢，佢亦相信出年盈餘唔會有咁多。