【明報專訊】動保組織「愛動物零虐畜」周日喺facebook專頁話，獲建制派力撐嘅陳凱欣喺九龍西立法會補選競選期間，曾有餵養流浪動物義工問佢對漁護署撲殺流浪動物立場，引述陳當時話：「漁護署咁做自然有佢道理，流浪動物過多咪要囉，有需要撥款。」陳凱欣噚日發文反擊指控無中生有，籲造謠者自重，又附上同以前收養嘅流浪犬Lucky多張合照，包括一張Lucky喺機場同佢嘅合照，話自己任傳媒期間，愛犬喺佢離港工作時都會送行。