【明報專訊】從政逾四分之一世紀嘅民主黨前主席劉慧卿，噚日透露前晚收到英國倫敦政治經濟學院（LSE）校長Minouche Shafik來信，話LSE將向佢頒授社會科學榮譽博士學位。學位係頒予具卓越成就同改善社會嘅人物，卿姐話對獲頒學位感到好開心，更透露從朋友口中獲悉，自己係香港首名獲頒有關學位嘅人。Emily翻查資料，卿姐唔單止係香港第一，更係亞洲首名女性獲頒呢個學位，認真威水。