【明報專訊】團結香港基金成立4周年晚會噚晚喺會展舉行，基金主席董建華致辭時，除咗以顯著篇幅總結國家改革開放40年，亦不忘推銷填海興建人工島。董先生話人工島唔會變成大白象工程，仲話可以擔保，人工島唔會用盡香港儲備，相反係長線投資，市民更易上車置業，所以佢認為填海唔止係香港大事，更加係刻不容緩、要馬上做嘅大事。