【明報專訊】民建聯立法會議員柯創盛（柯仔）祖籍潮州，為咗身體力行推廣當地文化，佢聽日（周六）會喺一場地區潮劇表演中粉墨登場，首次客串飾演船夫，希望娛樂一下街坊。柯仔同Emily講，自己已經為角色練習咗一個星期，戲分唔多，但都盡心盡力練唱歌同台詞，並模仿「撐船」動作，希望到時400幾個到場觀眾會欣賞佢嘅演出。