【明報專訊】九龍西補選下星期日舉行，九西有唔少外國人，例如九龍城特別多泰國人，少數族裔自然係拉票對象之一。有職工盟組織幹事喺facebook出post，話為候選人李卓人整咗尼泊爾文、泰文、印地語同英語文宣，形容今次選戰，大局流向可能只係1%嘅分別。文宣上甚至有李卓人用白布包住頭、模仿尼泊爾人嘅打扮。人哥透過助理回覆，話尼泊爾習俗上咁係代表尊貴嘅嘉賓，文宣上嘅佢當時出席緊尼泊爾建築工會同尼泊爾同鄉會活動。