【明報專訊】立法會喜事多籮籮，除咗新民黨議員容海恩（Eunice）出年會生BB之外，立法會秘書處現時亦有3名職員喺1月後分娩。立法會行政管理委員會噚日開會，之後身兼行管會主席嘅立法會主席梁君彥話，委員一致決定即時將產假由10周延長至14周，睇齊政府做法，相信準備做媽媽嘅立法會職員都會相當高興。不過由於立法會議員係公職，無放產假嘅安排，所以Eunice就唔適用。