【明報專訊】前日係「雙十一」，唔少商戶都推出優惠，工聯會立法會議員陸頌雄噚日喺facebook出post話「敗完家，個荷包又乾塘」，Emily關心吓佢係咪大出血。阿雄就話係助理搞吓笑，佢自己喺雙十一好忍得手，淨係買咗隻智能運動手表畀老婆，因為老婆近日扚起心肝跑步，佢見隻智能手表特價，雖然只係減咗100蚊，賣1200蚊，但都買嚟鼓勵吓老婆。