【明報專訊】消防處上個月成立咗新部門「社區應急準備課」，負責宣傳同公眾教育，噚日啟用官方facebook page（香港消防處 Hong Kong Fire Services Department）同網民互動，透過網上平台向公眾灌輸一啲急救技巧同應變方法。消防處仲派出宣傳角色「任何仁」（英文名Anyone）教大家心肺復蘇法（CPR），由於佢一身藍色緊身裝束、阿凡達咁嘅造型太特別喇，引來網民瘋傳同討論，更已有人幫佢開咗facebook page，所以大家喺fb見到「任何仁」專頁，留意其實唔係消防處開設㗎！