【明報專訊】距離11．25九龍西補選不足一個月，候選人都馬不停蹄拉票。獲建制派支持嘅候選人陳凱欣喺facebook貼文，話噚日朝早遇到一個小妹妹同佢嫲嫲，當時小妹妹正低頭寫字，陳凱欣八卦一望，發現小妹妹寫緊「陳凱欣」三個字，小妹妹好怕醜咁話自己都係叫陳凱欣。參選嗰位陳凱欣形容，同姓已經三分親，同名同姓感覺就更特別。