【明報專訊】政府尚未就「明日大嶼」嘅前期研究提供具體資料，立法會財委會主席陳健波日前講明，相信開10幾個鐘會議已可通過有關撥款，引嚟做過財委會主席嘅民主黨前議員劉慧卿批評，波哥其後形容反對填海者係「歷史罪人」。卿姐噚日繼續同波哥隔空駁火，形容自己畀波哥「欺凌」，質疑對方係咪要令議員變成奴才，卿姐透露已邀請波哥出席自己嘅網台節目，唔知到時會唔會擦出更多火花呢？