【明報專訊】港珠澳大橋聽日正式通車，立法會交通事務委員會20個委員上星期六去咗視察大橋，唔少建制派議員表現得好興奮，好似委員會主席、民建聯陳恒鑌就應黨友葛珮帆嘅慫恿，「瞓身」量度「港珠澳大橋香港連接路」路牌嘅長度。民建聯噚日喺facebook出帖，post番民主派議員喺大橋上「擺甫士」嘅相，話「反對派議員參觀港珠澳大橋表現得好興奮，黃碧雲同范國威仲擺晒pose影相，笑得好開心，見到佢哋咁希望同大灣區融合，我哋都表示支持！」，仲要落埋「反對派忽然理性」、「身體很誠實」等標籤。