【明報專訊】超強颱風「山竹」破壞咗香港好多地方，上周六（前日）中聯辦、外交部駐港特派員公署、解放軍駐港部隊同中資機構，組織咗600幾人嘅義工隊伍，去咗麥理浩徑清理山竹造成嘅塌樹同垃圾，中聯辦亦圖文並茂講今次義工活動，形容活動叫「勞動最光榮，義工在行動」。不過駐港解放軍著住制服去清理，就引起唔少人疑慮，部分人質疑佢哋違反《駐軍法》。