【明報專訊】新一份《施政報告》提出「明日大嶼」填海大計，引嚟唔少反彈，社民連噚日亦上載短片反對，為咗吸引眼球，社記成員曾健成（阿牛）喺片中身穿海豚服飾，抱住海豚BB公仔(圖)，企喺海邊扮海豚叫；副主席周諾恆（Jaco）為短片旁白，質疑填海影響生態、成本高昂，而過往填海得嚟嘅土地好多都唔係畀基層，認為政府應優先善用現有土地，強調香港並非無地。