【明報專訊】食物及衛生局今年中提出規管電子煙、加熱煙等新興煙產品嘅立法建議，用類似規管傳統香煙方式，禁止向未成年人出售兼徵收稅款，旋即引起醫學界、教育界反彈，要求政府全面禁止；前特首梁振英（CY）前排都有意見，話吸食電子煙係錯嘅，應以「反對吸食電子煙的態度反對港獨」。對於吸食電子煙「升格」至政治議題，煙草事務協會就話好無奈，認為係主觀嘅睇法。