【明報專訊】新民黨主席葉劉淑儀日前同愛女喺泰國清邁度假，不時於facebook分享行程同靚相。去到咁熱嘅地方，不論係去農莊上烹飪堂定係郊遊觀賞植物，葉太都著熱褲，有網民就留言批評：「幾多歲呀？仲學人著短褲？」68歲嘅葉太回應話：「不要歧視年長人士。長者人權要（與）年輕人無異！」有網民關心葉太著短褲會被蚊咬或刮親，建議佢著番長褲，葉太就話有蚊怕水，多謝關懷。