【明報專訊】港鐵噚日公布高鐵香港段票務安排，其間發生咗段小插曲，令原定兩點半開始嘅記者會，遲咗半個鐘。話說噚日港鐵帶記者行家去到西九總站B1層開記者會，一眾攝影師都趕去擺個最佳拍攝位置，但有電視台攝影師因為覺得擺cam嘅位置太遠，坐前面嘅嘉賓會阻擋鏡頭，建議不如大家一齊行前幾步。但大部分攝影師都已經擺好位set好機，未有響應，最終只有嗰位大台攝影師行前咗。