【明報專訊】港台節目《城市論壇》7月底唞暑後，後日星期日將會展開新一季。喺城市論壇facebook專頁上，就由主持人蘇敬恆（右）拍硬照大賣關子，但張相構圖就熟口熟面，著住格仔衫嘅蘇敬恆摸住另一男士手抱嘅BB公仔，同兩年前工聯會王國興及郭偉強選舉時爭取增加男士侍產假大型宣傳海報極相似。蘇敬恆同Emily講，城市論壇新一季第一集會同侍產假有關。到時會唔會有媽媽、爸爸、飲食界議員張宇人呢啲僱主代表做嘉賓？佢就賣關子，話嘉賓多元，相信討論唔會令大家失望。