【明報專訊】民主派九龍西地區組織「社區前進」近日喺facebook貼文，話本月底會喺城門水塘舉行步行籌款，希望透過籌款「更進一步進行社區工作、重奪油尖旺民主陣地」。區議會換屆選舉下年舉行，唔少組織都摩拳擦掌，社區前進今次籌款係咪為選舉呢？成員、工黨前主席胡穗珊就向Emily強調今次籌款唔係選舉工程，話籌款原因只得一個：窮。