【明報專訊】儒家六藝為「禮、樂、射、御、書、數」，粵港澳大灣區青年總會今個月25號就會透過六藝中嘅「書」，連結3000名大灣區青年，喺亞洲國際博覽館舉辦「最大規模的書法課」，齊齊寫同儒家精神有關嘅字，嘗試打破世界紀錄。總會執行主席吳學明話，大會請咗日本前首相福田康夫做主禮嘉賓，話福田喜愛中國文化，儒家造詣分分鐘勁過好多人，佢屆時會寫個「和」字，因為今年係中日簽訂《中日和平友好條約》40周年。