【明報專訊】一講起古巴革命家哲古華拉，相信唔少人都會諗起立法會前議員梁國雄（長毛），皆因佢經常著住印有哲古華拉頭像嘅T恤，又曾經話自己係哲古華拉信徒。專營文化深度遊嘅「GLO Travel」就請長毛做「隨團專家」遊古巴，喺12月底踏進呢個共產革命者嘅天堂，走訪哲古華拉喺聖克拉拉嘅革命足迹，包括哲古華拉故居同衣冠塚等；仲會去埋資本主義下嘅墨西哥城跨年，了解吓共產與資本主義嘅異同。約15日嘅團費要成6.2萬元，費用包含專家領隊帶團、機票及食宿。