【明報專訊】由中國香港單車總會主辦、新鴻基地產贊助嘅「新地單車學院2018先導計劃」（場地單車）噚日舉行啟動禮，民政事務局長劉江華、香港單車隊前成員黃金寶等亦有出席。劉江華致辭時就話，希望唔同社會企業能夠同學校繼續合作，培訓單車新星，更指在場學生將會成為第二個「洪金寶」，令全場大笑，劉江華一時口快講錯，自己亦好快發現，立即修正番係黃金寶。