【明報專訊】慈善活動「鼠戰中環」噚日舉行，立法會議員麥美娟、鄺俊宇同周浩鼎（Holden）亦同幾個資深傳媒人，好似記協主席楊健興、喺中大做傳訊及公共關係處處長嘅張宏艷等一齊組隊參加，成隊加埋年紀都唔細、政治光譜咁闊，究竟合作成點呢？Emily聽聞，鄺神同麥美娟負責首兩棒，鄺神就太禮讓，Alice著住裙要顧儀態，要佢穿過吹氣障礙都有難度，兩人令隊伍落後，好彩跑最後一棒嘅Holden力追，最終唔使包尾，喺52隊參賽隊伍中以中游成績衝線。