【明報專訊】唔少網民都鍾意將經歷擺上網，甚至進行「網絡公審」，不過發帖者未必會得到網民同情，甚至反而被網民狠批！好似民主黨大埔區議員區鎮樺24日喺facebook發帖，話上周五晚落區工作時將車泊咗喺避車處，畀警員抄牌，點知警員態度唔好兼呼喝佢，佢就公開警員嘅編號，當晚即場報警投訴之餘，仲話未來要逐級逐級咁打畀有關警員嘅上司投訴。結果惹嚟網民圍剿，鬧佢知法犯法，仲反問佢係咪覺得自己係區議員就有特權。