【明報專訊】九龍社團聯會力捧嘅「健康大使」陳凱欣盛傳會出戰立法會九龍西補選，佢嘅宣傳品近日鋪天蓋地喺九龍西區出現，除咗小巴車身外，紅磡一大廈外牆懸掛咗有佢個樣嘅巨型海報廣告。宣傳品更有QR Code連接遊戲，九社聯會按玩家所得嘅「里數」捐錢畀慈善團體「藝恆愛心行動」。陳凱欣噚日同Emily講，遊戲詳情同「健康大使」一切宣傳係由九社聯負責，強調「我沒有出過任何錢宣傳」，亦唔知道相關宣傳費用幾多，重申「到現在也未決定是否參選」。