【明報專訊】盛傳建制派力推食衛局前政治助理陳凱欣參加11月嘅九龍西立法會補選，雖然陳凱欣話仲考慮緊，但唔少建制中人已先後表態「加持」，鼓勵佢參選。曾表態有意出戰嘅自由黨深水埗區議員李梓敬，噚日就喺facebook宣布自己唔參選嘅決定，並全力支持陳凱欣，為建制派爭取關鍵一席。但經民聯梁文廣似乎仍未放棄，話李梓敬棄選唔會令佢有壓力，現時繼續等吓先，重申尊重建制派個協調機制。