【明報專訊】工黨沙田區議員葉榮前日喺區內搞咗一場「爆旋陀螺大激鬥」嘅活動，吸引唔少小朋友參加，網民亦熱烈討論，因為呢場比賽嘅冠軍，可以贏得一袋8公斤嘅米。有網民話，如果送文具，小朋友可能會開心啲，亦有網民指啲阿媽一定批准個仔參加，因為獎品係包米。葉榮就同Emily講，希望送一啲可以同屋企人分享嘅禮物畀小朋友。