【明報專訊】區議會選舉明年11月底先舉行，各大政黨已摩拳擦掌部署。維基百科最近刊登一份聲稱係2019年區選有意參選者名單，但就得啖笑，甚至有未夠21歲嘅政治人物榜上有名﹕只得18歲嘅香港眾志常委鄭家朗被指會去油塘東選區參選，對撼喺上一屆選舉自動當選嘅民建聯張琪騰。眾志秘書長黃之鋒話幾好笑，形容份名單「真係水分多到一個點」。