【明報專訊】南區區議會上個月底去咗新加坡外訪，了解當地嘅城市規劃，有參與今次外訪嘅香港仔區議員任葆琳，噚日就喺facebook分享外訪照，相中見到泛民同建制派議員都樂也融融。同行嘅民主黨羅健熙話，當地圖書館有類似「儲閃卡」嘅獎勵計劃，嘗試吸引小朋友借書睇書，呼籲港府可以參考吓當地圖書館嘅管理方式。