【明報專訊】《明報》記者每日影低海量嘅新聞相片，讀者見到喺報紙上面嘅靚相，其實主要係攝影部大佬、圖片編輯張景寧（右一）細心揀選。喺明報做咗超過20年嘅張景寧榮休喇！噚日同事同佢一齊開香檳慶祝。Emily問景寧幾時開始喺明報做，佢即刻講到係1998年4月27日正式返工，一做就20年。Emily見佢每日返工12個鐘甚至更長，廢寢忘餐都係為咗指導前線攝記搵好攝影角度影相，同埋用心揀選靚相畀讀者。問佢咩時候最難忘，景寧話「無相嗰時」；至於幾時最開心，佢話「頭版有靚相嗰時」。做咗新聞攝影咁多年，景寧仍未放棄過自己嘅堅持，佢話攝影記者係一個專業，最憎人叫佢哋做「影相佬」或者「師傅」。