【明報專訊】警察隊員佐級協會前日發聲明批評發展局長黃偉綸日前書展分享嘅言論不當，局長當時話睇完日本作家東野圭吾作品，好鍾意佢一個論點，即係「罪犯未必係壞人……同樣警察都唔一定個個好人」，惹來熱烈討論。喺北京訪問嘅特首林鄭月娥噚日畀記者問到，佢嘅下屬咁樣會唔會畀人覺得似內訌。林太就話黃偉綸已澄清自己嘅言論，又話「咁小嘅事無謂提升到咁高層次」，話自己無嘢要補充。