【明報專訊】青年新政游蕙禎早前因非法集結罪成被判入獄，人稱「游BB」嘅游蕙禎上個月出獄後就無再現身，有人關心佢嘅近况，有人話「游BB」轉行去咗做地盤，因為見到佢做咗建造業議會刊物《建築人．建築事》嘅封面人物喎。Emily立即睇吓刊物封面，原來係建造業議會搵咗理工大學學生Wingbi分享喺地盤工作嘅經驗，呢位學生同「游BB」好似樣，不過「游BB」就同Emily講，覺得Wingbi靚好多。