【明報專訊】喺寮屋區成長嘅財政司長陳茂波，噚日應青協M21邀請去書展同年輕人交流閱讀心得，其間畀主持問到有咩人生遺憾，財爺憶起昔日往事，話以前家境困難，媽媽捱得好辛苦，但當自己投身社會工作幾年後，媽媽就過身，無乜時間享福，財爺講到呢到稍有感觸，寄語時下年輕人工作「搏殺」時，都要耐唔耐搵阿媽食吓飯、飲吓茶咁話。