【明報專訊】大家睇港產片，不時見到片中角色將一疊疊一千蚊紙，裝滿手提篋或紅白藍尼龍袋，不過咁樣確實可以裝到幾多錢呢？近日開設facebook專頁嘅金管局噚日上載短片，搵嚟香港印鈔廠廠長阮志才同員工出動真鈔示範，原來一個手提篋可裝到5000張金牛，即係500萬，紅白藍袋就裝到7萬張，即係7000萬。